القصة بدأت عندما انتهت ميليشيا حماس من سرقة "غنائم" الاجهزة الأمنية...
أبو بلال وأبو معاذ من القيادات المشهورة لمليشيا حماس،،
ابو بلال: شو رأيك نجمع الغنائم ونحفظها عندي بالبيت...
أبو معاذ: ياسيدي عندي ولا عندك مش مشكلة المهم ماحدا يلعب فيهم لحد ما نشوف كيف نتصرف فيهم.
ابو بلال: ما تقلق يا ابو معاذ، ما انتا بتعرف ما عندي حدا بيلعب باشي..
ابو معاذ: على بركة الله،، بدك تاخذ كل الغنايم؟!!!!!!
ابو بلال: بدي احفظهم عندي، انا عندي ورا البيت قطعة ارض كبيرة، وبتوسع لكل هالغنايم
ابو معاذ: على بركة الله....
:::::::::::::::::::::::: بعد مرور اسبوع ::::::::::::::::::::::::
ابو معاذ يتصل على ابو بلال،،،،
رن رن رن رن رن رن رن
ابو بلال: سلام عليكم
ابو معاذ: وعليكم السلام
ابو معاذ: كيفك اخوي ابو بلال
ابو بلال: بخير والحمد لله، الله يرضى عنك
ابو معاذ: بدي امر عليك اليوم بعد صلاة المغرب على البيت
ابو بلال: خير ان شاء الله يا ابو معاذ، في اشي؟
ابو معاذ: لا والله مافي اشي، بس الولد معاذ جنني بدو جهاز كمبيوتر، صارلو اسبوع بيزن، وبيقولي كل اصحابي عندهم كمبيوترات من اللي اخذتوهم من مقرات السلطة وانا ليش ما عندي؟
ابو بلال: معاه حق يا ابو معاذ، ليش ما تجيبله كمبيوتر من اللي احنا أخذناهم من مقرات السلطة؟!!!
ابو معاذ: ياسيدي بسيطة، بدي امر عليك اليوم اشوفلي جهاز كمبيوتر نظيف للولد..
ابو بلال: من وين ياحسرة، ما انتا عارف ما عندي اجهزة كمبيوتر ، كل اللي عندي شوية ورق ومكاتب خشب وبس..
ابو معاذ: له يازلمة، انا ومجموعتي شفطنا من مقر الشرطة 5 اجهزة كمبيوتر، ومن مقر المخابرات 6 اجهزة جديدة بالكراتين، وانتا اخذتهم حتى تحفظهم عندك ،، وانا قلتلك احطهم عندي بس انتا قلت عندك أمان..
ابو بلال: والله يا ابو معاذ ما بعرف شو بدي اقلك، بس المشكلة تاني يوم أجو عندي نسايبي يباركولي بالحسم العسكري، واخوات مرتي شافو الأجهزة وطلبو مني كل وحدة جهاز، فخجلت وما عرفت شو اعمل فاظطريت اعطيهم الاجهزة اللي اخذناها من الشرطة.
ابو معاذ: ياسيدي مش مشكلة،، والاجهزة الي اخذناهم من مقر المخابرات؟!!!!!
ابو بلال: تصدق يا ابو معاذ، مش عارف شو بدي أقلك،، بس قبل اسبوع اجو عندي اخواني وشافوهم بالكراتين، فطلبو مني كل واحد جهاز، وخجلوني بالطلب، وماقدرت ارفض طلبهم، ما انتا عارف بكرة بيلزمونا في الانتخابات، واعطيتهم ، وما بقي عندي غير جهاز واحد، اعطيته لبلال.. وام بلال كمان زعلت مني .. قال ليش ما اعطيت جارتنا ام محمود جهاز لابنها محمود...
ابو معاذ: طيب وانا شو اعمل مع ابني معاذ؟؟
ابو بلال: شوف ابو ميسرة، اكيد بتلاقي عندو جهاز كمبيوتر، لأن الاجهزة اللي اخذناها من الامن الوقائي موجودة عندو، او شوف اي حدا فتحاوي في الحارة عندكو، وحاصر بيته، وفتشه، وخذ الكمبيوتر اللي عندو وقول انو كان يطبع بيانات لسميح المدهون عليه.
ابو معاذ: لا حول ولا قوة الا بالله، والله هيك مابيصير،،، يعني كلكو استفدتو من الغنائم، وأنا ما شفت منها اشي، شو هالورطة اللي وقعت فيها..
ابو بلال: لا ورطة ولا اشي ... اسمع خلي معاذ يجي عند ابني بلال ،،، كل يوم شوية بيلعب على الكمبيوتر لحد ما تدبر حالك بجهاز..
ابو معاذ: لا ياسيدي بارك الله فيك،،، بكرة بشتريله جهاز من السوق، بعيني الله شو بدي اعمل؟!!!!
ابو بلال: اسمع جيب جهاز من غير طاولة، في عندي طاولة بعطيك اياها..
ابو معاذ: بسيطة ،،، لا ما تغلب حالك،، خلي الطاولة يمكن نسايبك يحتاجوها ولا اشي!!!!
ابو بلال: لا مش مشكلة ،،، ما انا اعطيتهم طاولات وطابعتين... وشو بدهم اكتر من هيك
ابو معاذ: خلص ،، بسيطة بكرة باشتري جهاز من السوق،، سلام عليكم.
ابو بلال: سلام عليكم.
الأحد سبتمبر 16, 2007 2:24 pm
